Comeza a maxia e a ciencia no IES Becerreá!

Hoxe, martes 27 de outubro, despegamos oficialmente coa primeira sesión do noso Club de Ciencias: De Ciencia e Feiticería para este curso 2026-2027.

A andaina comezou a semana pasada cunha sorpresa moi especial para o alumnado participante: as cartas de admisión chegaron directamente ás súas mans transportadas por fermosas curuxas, contendo todas as instruccións máxicas necesarias para embarcar nesta aventura.

Tras agardar polas respostas das curuxas, hoxe por fin poñemos rumbo ao coñecemento. O noso particular Expreso de Hogwarts xa está listo para saír dende o Laboratorio 9 ¾ de Bioloxía, onde mesturaremos a diversión, a curiosidade e o rigor científico.

Para estrear esta nova edición por todo o alto, a sesión de hoxe terá unha temática moi especial adicada ao Samaín, onde a ciencia máis misteriosa e sorprendente será a gran protagonista.

Lembrade que o único requisito indispensable para participar non era traer material físico, senón moitas ganas de aprender, investigar e divertirse.

Estade atentos ao blog, porque vos iremos contando todas as pócimas, experimentos e segredos que descubramos no laboratorio. Que comence a maxia da ciencia!